ueb.al është përgjegjës për të dhënat që trajton lidhur me partnerët, bashkëpunëtorët, pjesëmarrësit në kërkime dhe vizitorët e faqes. Ne nuk i shesim, shkëmbejmë ose japim me qira këto të dhëna. Akses kanë vetëm ekipi ynë, kontraktorët e projektit përkatës dhe shërbimet e përshkruara më poshtë.
Kjo politikë shpjegon si i përdorim shërbimet e palëve të treta dhe si i trajtojmë të dhënat nga vizitat në faqe, kërkimet dhe aplikimet për punë.
Për pyetje rreth kësaj politike ose praktikave tona, na shkruani në info@ueb.al.
Përditësuar më 16 shtator 2026.
Faqja dhe shërbimet tona
Faqja dhe skedarët e tipografisë Inter publikohen përmes GitHub Pages. Shërbimi i hostimit merr të dhëna të lidhjes kur shfletuesi kërkon këta skedarë.
Llogaritësi, kuizi dhe formulari i kontaktit ruajnë zgjedhjet dhe të dhënat paraprake të kontaktit në shfletuesin tuaj, përmes local storage. Aty ruhet edhe zgjedhja e pamjes së faqes kur e ndryshoni. Formulari përgatit një email ose mesazh WhatsApp; për ta përfunduar kërkesën, duhet ta dërgoni nga aplikacioni përkatës. Përdorni “Pastro” te përmbledhja e ruajtur ose fshini të dhënat e kësaj faqeje nga shfletuesi për t’i hequr të dhënat lokale.
Përdorim session storage për të kujtuar njoftimet që mbyllni gjatë vizitës dhe një service worker për të ruajtur skedarë publikë për përdorim pa internet. Fshirja e të dhënave të faqes nga shfletuesi i heq këta skedarë dhe preferenca.
Rezervimi përdor Cal.com, i cili ngarkohet kur zgjidhni të rezervoni një bisedë. Email-i, WhatsApp dhe Cal.com i trajtojnë mesazhet ose rezervimet përmes shërbimeve të tyre. Për të dhënat që jepni atje zbatohen politikat përkatëse të privatësisë:
Ky version i faqes nuk ngarkon skript për analitikë.
Pjesëmarrësit në kërkime
Kërkimi është një pjesë e rëndësishme e punës sonë: na ndihmon të kuptojmë nevojat e njerëzve dhe të ndërtojmë produkte dhe shërbime më të mira.
Marrja e pëlqimit
Të gjithë pjesëmarrësve në kërkim u jepet një formular pëlqimi që përshkruan se çfarë përfshin kërkimi, çfarë informacioni do të regjistrohet dhe si do të përdoret. Nëse pjesëmarrësi pranon të vazhdojë, i kërkojmë të nënshkruajë formularin. Formularët e nënshkruar i skanojmë, kopjet në letër i asgjësojmë, dhe skedarët i ruajmë në serverin tonë Nextcloud për 3 vjet.
Aktualisht nuk kryejmë kërkime me persona nën 18 vjeç. Nuk ofrojmë shpërblime për pjesëmarrësit.
Përdorimi i informacionit nga kërkimi
Gjatë punës, materialin kërkimor e mbajmë të ndarë nga të dhënat identifikuese, si formularët e pëlqimit.
Çdo shënim që mbledhim gjatë sesioneve kërkimore ruhet në mënyrë të sigurt. Çdo skedar digjital (si audio, foto dhe video) ruhet në Nextcloud dhe aksesohet vetëm nga anëtarët e ekipit të ueb.al të përfshirë në kërkim. Në fund të projektit, të gjitha shënimet dhe skedarët digjitalë asgjësohen ose fshihen.
Ndonjëherë ne mund të publikojmë citate nga sesionet kërkimore. Këtë e bëjmë vetëm me pëlqimin e posaçëm të pjesëmarrësit dhe pasi kemi hequr të dhënat që mund ta identifikojnë. Ne do të publikojmë audio, foto dhe video nga një seancë kërkimore vetëm nëse një pjesëmarrës ka dhënë pëlqimin dhe ka nënshkruar një formular autorizimi për imazh.
Tërheqja e pëlqimit
Pjesëmarrësit mund t’i tërheqin të dhënat e tyre nga projekti në çdo kohë. Për ta bërë këtë, kontaktoni info@ueb.al.
Punësimi në ueb.al
Vetëm anëtarët e ekipit të përfshirë në procesin e rekrutimit kanë qasje në aplikimet, CV-të dhe emailet që marrim. Nuk mbledhim të dhëna të kategorisë së veçantë dhe nuk kërkojmë kontrolle të së kaluarës si pjesë e aplikimit.
Kur njerëzit i bashkohen ueb.al, ne kërkojmë informacion rreth tyre të nevojshëm për qëllime tatimore. Ne mbajmë informacion për rolin dhe zhvillimin e tyre profesional në ueb.al. Qasja në këtë informacion është e kontrolluar.
Veprimtari që nuk kryejmë
ueb.al nuk merr pjesë në aktivitetet e mëposhtme të përpunimit të të dhënave:
- Blerja ose shitja e listave të marketingut
- Lidhja e marrëveshjeve për ndarjen e të dhënave me organizata të tjera
- Marketing telefonik
- Marketing postar
- Mbikëqyrje CCTV
Nuk dërgojmë marketing pa pëlqimin tuaj të qartë. Nuk përdorim pëlqimin e nënkuptuar.
Siguria e të dhënave
Ne zgjedhim me kujdes shërbimet dhe mjetet tona në ueb.al. Është e rëndësishme që ato të ndjekin praktika të mira sigurie, si HTTPS, vërtetimi me dy faktorë dhe aftësia për të vendosur një fjalëkalim të fortë. Ne kemi rishikuar politikat e privatësisë dhe praktikat e sigurisë të gjithçkaje që përdorim.
Kur një anëtar i ri i ekipit i bashkohet ueb.al, ne shpjegojmë praktikat më të mira për mbajtjen e pajisjeve të tyre të sigurta dhe ruajtjen e sigurisë së llogarive të tyre në internet.
Shkeljet e sigurisë së të dhënave
Në rast të shkeljes së të dhënave, njoftojmë Komisionerin për të Drejtën e Informimit dhe Mbrojtjen e të Dhënave Personale (IDP), sipas udhëzimeve të tij.
Transferimi i të dhënave jashtë ZEE-së
Ne kemi rishikuar politikat e privatësisë së shërbimeve të palëve të treta që përdorim. Ato ofrojnë mbrojtje të përshtatshme kur informacioni ndahet jashtë Zonës Ekonomike Evropiane.
Rishikimi i përdorimit të të dhënave
Çdo tremujor, ne rishikojmë dokumentacionin tonë për të dhënat që trajtojmë dhe shërbimet e palëve të treta që përdorim. Ky rishikim na ndihmon të kontrollojmë praktikat tona dhe të identifikojmë ndryshimet e nevojshme. Ne do ta përditësojmë këtë dokument sipas nevojës.
Të drejtat tuaja dhe kontakti
Ligji shqiptar për mbrojtjen e të dhënave dhe GDPR, aty ku zbatohet, ju japin të drejta mbi të dhënat tuaja, përfshirë:
- Të drejtën për t’u informuar
- Të drejtën e aksesit
- Të drejtën për korrigjim
- Të drejtën për fshirje
- Të drejtën për të kufizuar përpunimin
- Të drejtën për bartje të të dhënave
- Të drejtën për kundërshtim
- Të drejtat që lidhen me vendimmarrjen e automatizuar, përfshirë profilizimin
Për të ushtruar ndonjë nga këto të drejta, na shkruani në info@ueb.al. Informacion më i hollësishëm për shërbimet që përdorim gjendet te seksionet përkatëse të këtij dokumenti. Nëse nuk jeni të kënaqur me përgjigjen, mund të kontaktoni IDP-në shqiptare. Nëse ndodheni në BE, mund të kontaktoni edhe autoritetin tuaj vendor të mbrojtjes së të dhënave.